Qo‘qonda katta bayram: Erta tongdan tantanali yurish boshlandi

Festival Qo'qon

Qo‘qonda tong. Bugun quyosh ham bu hududga o‘zgacha mehr bilan nur sochayotgandek. Ertalabdan ko‘chalarga chiqqan xorijiy mehmonlar qo‘llarida o‘z davlatlarini,…

213

Sharhlar mavjud emas

Qo‘qonda tong. Bugun quyosh ham bu hududga o‘zgacha mehr bilan nur sochayotgandek. Ertalabdan ko‘chalarga chiqqan xorijiy mehmonlar qo‘llarida o‘z davlatlarini, hunarmandlar va mahalliy aholi esa O‘zbekiston bayrog‘ini tutgancha tantanali yurishni boshladi. Ya’ni xalqaro ilmiy-amaliy festival qatnashchilarining tantanali yurishlari (parad-shestviye) Xudoyorxon o‘rdasi maydonidan markaz yo‘nalishida harakatlanmoqda.

Unda qiziqchilar, jarchilar va xon saroy ayonlari libosidagi aktyorlar jamoasi ishtirokchilarda o‘zgacha kayfiyat, ko‘tarinkilik bag‘ishlamoqda. Xudoyorxon o‘rdasi joylashgan maydondagi Hunarmandlar shaharchasi Xalq sayllari, qo‘g‘irchoqbozlik, dorbozlar folklor jamoalari, viloyatlar madaniyat boshqarmalari tayyorlangan konsert dasturlari bilan o‘zgacha qiyofa kasb etmoqda.

Yurishdan keyin barcha ishtirokchilar Jahon hunarmandlar kengashi Osiyo va Tinch okeani mintaqasi bo‘yicha Prezidenti Kadda Kadumi xonimning kitobi taqdimotiga yig‘ilishadi. Bugun o‘z ishining mohir ustalari o‘z qo‘li bilan amaliy san’at buyumlari yasashni istaganlarga mahorat saboqlari namoyishi va trening o‘tkazadi. Bunda Xudoyorxon o‘rdasi joylashgan maydondagi hunarmandlar shaharchasi Rishton, Gʻijduvon, Urgut, Toshkent, Kattabog‘, Madir, Samarqand, Andijon, Gʻurumsaroy, Shahrisabz kulolchilik maktablari namoyondalari ishtirok etadi.

Kun davomida festival ishtirokchilarini Farg‘ona viloyatini diqqatga sazavor qadimiy va zamonaviy maskanlariga sayyohat kutmoqda. Misol uchun, Marg‘ilon shahriga sayohat, Said Ahmadxo‘ja eshon madrasasida joylashgan Hunarmandlar markazi, Yodgorlik korxonasi hamda kandakor Abdulhamid Madaliyev, to‘quvchi Rasuljon Mirzahmedov va Abdunabi Toshtemirov ustaxonalari shular sirasidan. Madrasai Mir, Xo‘jaxon qozi, Xaziniy madaniy meros ob’yektlari Rassomchilik va miniatyura maktablari namoyondalari mahorat saboqlari namoyishi va treninglar ko‘pchilik uchun unutilmas taassurotlar qoldirsa, ajab emas.

Qadimiy Qo'qon xalqaro mehmonlarni qarshi oldi

Qo‘qon shahrida II Xalqaro Hunarmandchilik festivali o‘tkazilishi rejalashtirilmoqda

Fikrlar

Man yoshligimdan to'quvchilik bilan shug'ullanib kelaman, bu manga ona kasb, onam onasidan o'rgangan. Shu festivalga qatnashish niyyatidaman, o'ylaymanki festival o'tgan galgidak juda quvnoq ruhda o'tadi.

Ziyoda Haydarova

To'quvchi

"Xalqaro festivallarda ko'p bora ishtirok etganman, lekin, o'ylaymanki 2023 yilda Qoqonda bo'lib o'tadigan bu festival hammasidan ajyib o'tadi degan umiddaman!" O'tgan gal men qatnasha olmagandim)

Umida Sattorova

Zardo'z

Men 7 yilgan beri kulolchilik bilan shug'ullanib kelaman, ko'p tanlovlar g'olib bo'lganman. 2019 yilda bo'lib o'tgan fesitivalda ham ishtirok etganman. Bu yil ham shu festivalda ishtirok etish umididaman!